هلا وغلا
.
.
.
الأماكن : فعلها .. في الرّوح .. ماكن ..
والمساكن : ذكرها .. في القلب .. ساكن ..
لا تخاف ..
الهموم .. إللي .. في صدرك .. هاتها
أستوينا من زمان ..
وعارفين إشلون .. نشكي
بس مامرّة .. شكينا
وقادرين إنْ إحنا .. نبكي
بسّ مامرّة .. بيكنا !
لاتخاف !
هات : عِذرك
هات : غدرك
هات : جرحك
وهذا ظهري
والا أقولك
هذا صدري..
هات رمحك .. ولاتخاف
عندي كل إللي ~... تبيه
كل مانفسك .. تحبه / وتشتيه !
تبي .. تتسلى .. بجروحي ؟؟!..
تبي .. ترقص على .. روحي ؟
بعد عندي :
عندي قلب ٍ .. من كثر .. ماهو .. تجّرح
صار يفرح .. بـ الجديد .. من .. الجِراح
وبـ العميق من .. الطعون !
وإنْ غفى ليله .. بليـّا جرح .. طازج
مااااستراح !
وعندي عين ٍ .. رمشها .. خاصم .. جِفنها
وإنْ نست .. ليله .. تصيح
عندي دمي ..
قال: أنا جاهز .. بدال الدمع .. أنزف للصباح !
وكل ماهو.. مُفجع / ومؤلم / ونافر / ومُتنافر ..
فيني .. حافر .. حظي .. وافر .. ماااني : كافر ..
حتى لو عني .. تِسافر
ماني زافر .. روووووح .. سااافر !
هاتها كل .. الخناجر
بسمي .. جاهر
أفتح أفواه .. وحناجر
فيني .. تاجر
أنا قادر .. ماني .. عاجز
حيل .. مستمتع .. بحالي
وعندي .. كل المُرّ .. حالي !
أنا قادر .. ماني راقد !
قادر .. أتصالح .. مع نفسي .. وأحب
قادر .. أمشي لك .. وأجيلك .. حتى لو دربك .. صعب !
والمسافه .. الفاصله .. مابين .. أنفاسي .. وراسي ..
قادر .. أقطعها .. براحة بال .. وبصدر ٍ رحب ..
وأشعل .. إعيوني .. بدال الدمع :
شمع ..
وأبسط يديني .. بدال الغِل :
فـُل ..
وأفرش إضْلوعي .. بدال البرد :
ورد ..
قادر أبكي .. عَنْك ْ
وأحزن .. عَنْك ْ
وأسهر .. عَنْك ْ
وآلتعن / وأموت .. عَنْك ْ
قادر .. أسكن فيك .. عَنْك ْ
بسّ وين .. ذاك إلي .. إذا قلت له :
يـافلان تمّ ..
قال سمّ ..
وين ذاك إللي .. إذا قلت له :
من أنت !؟
قال : أنــــــت !
موضوع: لآقلت من انت!؟..قـآل: أنت..【♥】 
الجمعة أبريل 02, 2010 2:21 pm
